Staff Reporter
منگل , 04 اگست 2020ء
(167) لوگوں نے پڑھا
(1 آگست 2020)جھنگ میں یوسف شاہ روڈ پر پولیس نے انوکھی کارروائی شروع کردی۔ جس میں نو پارکنگ ایریا میں کھڑی موٹر سائیکلوں کی پلگ کیبلز کاٹ دی گئیں۔ موٹر سائیکلوں کی خرابی کے نتیجے میں رات گئے موٹر سائیکل حضرات کو عورتوں اور چھوٹے بچوں کے ہمراہ موٹر سائیکل دھکیل کر پیدل گھر پہنچنا پڑا۔ یوسف شاہ روڈ پر عوام کی آگاہی کے لیے کہیں بھی کوئی سائن بورڈ نہیں لگایا گیا کہ یہاں موٹر سائیکل کھڑی کرنا ممنوع ہے۔ شہریوں نے ناراضگی کا اظہار کرتے ہوئے کہا کہ پولیس نے ان کاروں کو کچھ نقصان نہیں پہنچایا کیونکہ پولیس کی اتنی جراؑت نہیں تھی صرف ہماری موٹر سائیکلوں کو نقصان پہنچایا گیا۔
