Staff Reporter
منگل , 10 نومبر 2020ء
(478) لوگوں نے پڑھا
جھنگ، فیصل آباد روڈ چنیوٹ موڑ کے قریب بس نے موٹر سائیکل سوار کو ہٹ کر دیا۔ بس تیز رفتاری میں تھی اور بریک فیل ہونے سے موٹر سائیکل سے ٹکرا گئی۔ ریسکیو 1122 کی ٹیم جائے حادثہ پر پہنچی اور ریسکیو آپریشن شروع کیا۔ افسوسناک حادثہ کے نتیجے میں ایک خاتون اختر نساء زوجہ مشتاق حسین 55 سال موقع پر جاں بحق ہو گئی جبکہ شوہر مشتاق حسین ولد صوبہ خان شدید زخمی ہو گیا۔ ریسکیو 1122 کے اہلکاروں نے موقع پر زخمی کو ابتدائی طبی امداد دے کر ڈسٹرکٹ ہیڈ کوارٹر ہسپتال منتقل کر دیا۔ پولیس نے موقع پر پہنچ کر تحقیقات کا آغاز کردیا۔
