Staff Reporter
ہفتہ , 22 اگست 2020ء
(392) لوگوں نے پڑھا
گزشتہ دنوں پنجاب بھر میں بارشوں کے دوران جھنگ شہر میں بھی خوب بارش برسی۔ بارش تو بظاہر خدا کی رحمت ہوتی ہے لیکن یہ زحمت بن جاتی ہے۔ یوں تو پورے جھنگ میں کئی جگہ بارش کا پانی کھڑا ہے۔ زیر نظر تصاویر جھنگ شہر کے غوثیہ محلے کی ہیں جہاں بارش کے بعد گلیاں مکمل طور پر پانی سے بھر چکی ہیں۔ انتظامیہ اب تک پانی کی نکاسی کرنے میں مکمل طور پر ناکام نظر آئی ہے۔ اہل علاقہ کو اس صورتحال میں شدید مشکلات کا سامنا کرنا پڑرہا ہے۔ جھنگ بھر کی عوام نے انتظامیہ سے پرزور مطالبہ کیا ہے متعدد علاقوں میں کھڑے پانی کی نکاسی جلد از جلد کی جائے تاکہ انکی مشکلات کا ازالہ ہوسکے۔
