Staff Reporter
بدھ , 23 ستمبر 2020ء
(353) لوگوں نے پڑھا
جھنگ، ماڈل تھانہ سیٹلائیٹ ٹاؤن کے محرر اور نائب محرر بغیر قمیض پہنے ڈیوٹی دینے لگے قانون کے رکھوالے ہی قانون کی دھجیاں بکھیرنے لگے، تھانے آئے سائیلین کو ملزموں اور پولیس اہلکاروں کو پہچاننے میں دشواری کا سامنا کرنا پڑ رہا ہے، ماڈل تھانہ سیٹلائیٹ ٹاؤن کے محرر اورنگزیب اور نائب محرر ظفر دانش تھانے کو اپنا گھر سمجھتے ہوئے یہاں تک کے خواتین کے بھی سامنے قمیض اتار کر ان سے بات کرتے ہیں، ان نیم برہنہ اہلکاروں کو نہ افسران بالا کا ڈر اور نہ آئے ہوئے سائلین پر پولیس کے منفی تاثر کا خوف۔۔ تصویر میں واضح طور پر دیکھا جاسکتا ہے کہ پولیس اہلکار تھانے میں آئی خاتون کے سامنے قمیض اتار کر بیٹھے ہیں، جوکہ کسی طرح بھی اخلاق کے مطابق نہیں ہے۔ شہریوں نے ڈی پی او جھنگ سرفراز ورک، آئی جی پنجاب سے ایسے غیر ذمہ دار آفیسرز کو احساسِ ذمہ داری دلانے کا مطالبہ کیا ہے۔ بعد ازاں نئے آنے والے ڈی پی او جھنگ سرفراز خان ورک کی جانب سے اہلکاروں کو معطل کرنے کی خبریں ہیں۔
