Staff Reporter
منگل , 18 اگست 2020ء
(442) لوگوں نے پڑھا
آج ہم آپ کو جھنگ شہر کے حوالے سے ایک خوبصورت یادگار تصویر دکھاتے ہیں۔ تصویر جو آپ ملاحظہ کررہے ہیں سوشل میڈیا میں آشوک کپور نامی صارف کی جانب سے پوسٹ کی گئی ساتھ میں انہوں نے لکھا تھا، جھنگ میں 1943 میں میرے والدین کی شادی کی تصویر اور دعوت نامہ۔ پریم کشن کپور اور کماری کانٹا رانی۔ یہ محبت کی شادی تھی۔ شادی کے دوسرے دن وہ ہیر رانجھا کی یادگار پر گئے اور 5 روپے کی رقم خیرات دی جوکہ ان دنوں بہت بڑی رقم تھی، ان کے ایک چاچا جی کہلانے والے مسلمان دوست نے شادی کے لئے سبزی والے پکوان بنوائے تھے۔ میں اور میرا بھائی جھنگ میں پیدا ہوئے تھے۔ میرے والدین کبھی بھی مسلمانوں کے حوالے سے برا نہیں سوچتے تھے، سیاستدانوں نے ہمیں تقسیم کیا۔ میری والدہ زندہ ہیں اور 99 سال کی عمر میں، کیلیفورنیا میں مقیم ہیں۔شادی کے دعوت ناموں کا اندرونی و بیرونی عکس۔
