میرج ہال وگارڈن مارکی ایسوسی ایشن جھنگ کی پروقار تقریب حلف برداری

جھنگ، تفصیلات کے مطابق جگر ایگزیکٹو مارکی جھنگ میں ایک پروقار تقریب حلف برداری منعقد ہوئی جس میں مہمان خصوصی ڈی سی جھنگ جناب محمد طاہر وٹو صاحب اور ڈی ایس پی سٹی سرکل رائے سیف اللہ بھٹی شہر بھر سے معروف کاروباری شخصیات حاجی دلدار، ہاشم صاحب اور میڈیا نمائندگان سیاسی وسماجی احباب نے کثیر تعداد میں شرکت کی۔ تقریب میں تمام میرج ہال وگارڈن مارکی ایسوسی ایشن کے ممبر نے شرکت کی۔ جس میں سرپرست اعلیٰ مہر الطاف نول جھنگ پیلس، چیرمین ذوالقرنین حیدر جگر، صدر چوہدری عثمان نگینہ مارکی، نائب صدر عمران انصاری، خواجہ میرج گارڈن، سینئر نائب صدر انیس احمد پوری، جنرل سیکرٹری ملک رضوان احمد،ایڈیشنل جنرل سیکرٹری ایڈوکیٹ عمیر حسین، فنانس سیکرٹری چوہدری قیصر مسعود نے اپنے اپنے عہدے کا حلف اٹھایا۔ تقریب کے مہمان خصوصی جناب طاہر وٹو صاحب نے عہدے داران سے باقاعدہ حلف لیا۔ اس موقع پر چیئرمین میرج ہال وگارڈن مارکی ایسوسی ایشن کا کہنا تھا تمام شرک ایک فیملی کی مانند ہیں ساتھ ساتھ مجھ پر جو ذمہ دار ی عائد کی گئی اسے میں ہمیشہ احسن طریقے سے سرانجام دوں گا ہم سب اپنے کاروبار کو بہتر سے بہتر کرنے کی کوشش کریں گے۔ حکومتی ایس او پیز پر عمل درآمد کو یقینی بنانا ہم سب پر لازم ہے اور تمام دوست کرونا وائرس سے نمٹنے کے لیے تمام تر اقدامات کو یقینی بنائےتقریب کے اختتام پر مہمان خصوصی کو یادگاری گفٹ شیلڈ پیش کی گئی۔