Staff Reporter
پیر , 31 اگست 2020ء
(193) لوگوں نے پڑھا
ڈسٹرکٹ پولیس آفیسر جھنگ ڈاکٹر سردار غیاث گل خان نے محرم الحرام میں بہترین ڈیوٹی سر انجام دینے پر پولیس افسران میں نقد انعامات/ سرٹیفکیٹ تقسیم کیے اور شاباش دی۔ ڈی پی او جھنگ کا کہنا تھا کہ تمام پولیس افسران نے مستعدی سے فرائض سرانجام دئیے جھنگ پولیس تمام ایونٹس پر شہریوں کے جان و مال کے تحفظ کو یقینی بنائے ہوئے ہے۔ اس موقع پر ڈی پی او جھنگ نے سیکیورٹی انتظامات یقینی بنانے میں میڈیا کے کردار کو بھی سراہا۔ انہوں نے سیکیورٹی معاملات پر تعاون کرنے پر شہریوں کا بھی شکری ادا کیا۔ انہوں نے سیکیورٹی کے حوالے سے بات کرتے ہوئے کہا کہ محرم الحرام میں مانیٹرنگ کنٹرول روم اور ڈرون کیمروں کی مدد سے مشکوک افراد پر کڑی نظر رکھی گئی تھی۔
