Staff Reporter
پیر , 24 اگست 2020ء
(399) لوگوں نے پڑھا
ڈپٹی کمشنر محمد طاہر وٹو کی ہدایت پر چکن شاپس پر ناپ تول میں کمی، ہیرا پھیری اور زائد نرخوں پر فروخت کرنے والے دوکانداروں کے خلاف کریک ڈاﺅن کا آغاز کر دیا گیا ہے۔ اس ضمن میں ڈسٹرکٹ آفیسر انڈسٹریز محمد متین اصغر نے یوسف والا بھٹہ، سبزی منڈی روڈ، ایوب چوک اور دیگر مختلف مقامات پر چکن شاپس کا معائنہ کیا اور ناپ تول میں کمی ،ہیرا پھیری اور زائد نرخوں پر فروخت کرنے والے دوکانداروں کے خلاف کاروائی کرتے ہوئے چالان اسپیشل جوڈیشنل مجسٹریٹ کی عدالت میں جمع کروائے۔ ڈی او انڈسٹری نے کہا کہ پولٹری کی مصنوعی قلت اور مہنگے داموں گوشت کی فروخت اور ناپ تول میں کمی کرنے والوں کو کسی صورت معاف نہیں کیا جائیگا۔ انہوں نے دوکانداروں کو ہدایت کی کہ وہ حکومت کی جانب سے مقررہ نرخوں کے مطابق پولٹری گوشت فروخت کرنے کو یقینی بنائیں۔ بصورت دیگر انکے خلاف کاروائیاں جاری رہیں گی۔
