Staff Reporter
پیر , 30 نومبر 2020ء
(897) لوگوں نے پڑھا
گزشتہ دنوں ڈی پی او جھنگ سرفراز خان ورک کی شہید کانسٹیبل سارنگ خان کی برسی کے موقع پرشہید کے گھر چک نمبر262 ج ب کوٹ بھوجوآنہ آمد ہوئی، ڈی پی او نے شہید کی فیملی کوپھولوں کا گلدستہ اور دیگر تحائف پیش کئے۔ انہوں نے شہید کے ایصال ثواب اور درجات کی بلندی کیلئے فاتحہ خوانی کی اور دعا مانگی۔ ڈی پی او جھنگ نے شہید کانسٹیبل سارنگ خان کو اسکی بہادری اور قربانی پر شاندار خراج تحسین پیش کیا۔ ڈی پی او جھنگ کا کہنا تھا کہ شہداء پولیس کی قربانیاں محکمہ پولیس کیلئے مشعل راہ ہیں، عوام کے جان و مال، عزت و آبرو کی خاطر اپنی جان کا نذرانہ پیش کرنے والے شہداء ہمارے دلوں میں ہمیشہ زندہ رہیں گے۔ شہداء پولیس کی فیملیز میرے گھر کے فرد کی حیثیت رکھتے ہیں اور انتہائی محترم ہیں۔انہوں نے شہید کی فیملی کو مخاطب کرتے ہوئے کہا کہ آپ کی خدمت کیلئے میں اور پولیس ڈپارٹمنٹ ہمہ وقت حاضر ہے۔ سارنگ خان کی فیملی نے بھی ڈی پی او کا شکریہ ادا کیا اور ان کے جذبے کو سراہا۔
