Staff Reporter
پیر , 07 ستمبر 2020ء
(578) لوگوں نے پڑھا
جھنگ، ضلع بھر کے مختلف علاقوں میں تجاوزات کی بھرمار ہونے لگی، جبکہ دکاندار ریڑھی بانوں سے کرایہ وصول کرنے لگے۔ انتظامیہ اس صورتحال میں خاموش تماشائی کا کردار ادا کرتی نظر آرہی ہے۔ تفصیلات کے مطابق جھنگ کے علاقوں آٹھارہ ہزاری، ماچھیوال، ڈال موڑ، روڈو سلطان سمیت ضلع کے مختلف علاقوں میں ناجائز تجاوزات کی بھرمار ہونے لگی ہے۔ مین شاہراہوں کی دونوں جانب تجاوزات اور غیر قانونی رکشہ اسٹینڈز کی وجہ سے فٹ پاتھ پر چلنے میں دشواری کا سامنا کرنا پڑتا ہے۔ اور حادثات بھی معمول کی بات بن چکے ہیں۔ ریڑھی بانوں کا اس حوالے سے کہنا تھا کہ دکاندار ان سے کرایہ وصول کرتے ہیں اور اس کے بعد دکان کے سامنے کھڑا پونے کی اجازت دیتے ہیں۔ جبکہ اس ساری صورتحال میں انتظامیہ خاموش تماشائی بنی بیٹھی ہے۔ سیاسی وسماجی شخصیات نے اعلی حکام سے فوری نوٹس لینے کا مطالبہ کیا ہے۔
