Staff Reporter
ہفتہ , 22 اگست 2020ء
(266) لوگوں نے پڑھا
ڈپٹی کمشنر محمد طاہر وٹو کی ہدایت پر ایڈیشنل ڈپٹی کمشنر ریونیو شاہد عباس جوئیہ نے اسسٹنٹ کمشنر محمد قاسم گل کے ہمراہ محرم روٹس کی سیکورٹی و دیگر انتظامات کا جائزہ لینے کے حوالے سے بلاق شاہ اور دیگر علاقوں کا دورہ کیا۔ انہوں نے مختلف علاقوں میں جلوسوں کے روٹس کا معائنہ کیا۔ اے ڈی سی ریونیوشاہد عباس جوئیہ نے محرم روٹس پر حفاظتی اقدامات کا جائزہ لیتے ہوئے کہا کہ عشرہ محرم الحرام کے دوران قانون اورضابطہ اخلاق کی پابندی کو ہرممکن طور پریقینی بنایا جائیگا۔ امام بارگاہوں اور جلوسوں کے منتظمین وقت کی پابندی کو ملحوظ خاطر رکھیں۔ انہوں نے بلدیہ حکام کو جلوسوں کے راستوں کی صفائی ستھرائی اورتجاوزات کو فوری کلیئر کرنے کی بھی ہدایات جاری کیں۔
