آل پاکستان واپڈا ہائیڈروالیکٹرک ورکرز یونین سب ڈویژن بھوآنہ فیسکو کےانتخابات، پیر بخش رجوکہ پینل کامیاب

آل پاکستان واپڈا ہائیڈروالیکٹرک ورکرز یونین کے سب ڈویژن بھوآنہ فیسکو کےانتخابات میں دلچسپ مقابلے کے بعد پیر بخش رجوکہ پینل نے کامیابی حاصل کرلی۔ پیربخش رجوکہ 44 ووٹ لیکر چیئرمین منتخب ہوئے۔ ان کے مدمقابل عمردراز جپہ نے38 ووٹ حاصل کیے جبکہ 1 ووٹ مسترد ہوا۔ وائس چیئرمین کی نشست پر سرفراز اور فیصل عباس کے ووٹ برابر ہوگئے۔  جنرل سیکرٹری کے امیدوار رانا عرفاق نے43جبکہ ان کے مقابلے میں احسان اللہ نے39ووٹ حاصل کیئے۔ جوائنٹ سیکرٹری کے لیے عمردراز جپہ گروپ کےجاوید اقبال نے 43 ووٹ لے کر کامیابی حاصل کی۔  ان کے مخالف امیدوار تصور حسین نے 40 ووٹ حاصل کیئے۔ بھوآنہ واپڈا کی تاریخ میں پہلی بار یہ انتخابات ہوئے جس میں تمام واپڈا ورکرز نے پورے جوش و خروش سے حصہ لیا۔ کل ووٹران کی تعداد 83 تھی ووٹ کاسٹنگ کا تناسب 100 فیصد رہا,چیئرمین پیر بخش رجوکہ نے اپنے بیان میں کہا کہ ہم سب ایک ہیں اور میں تمام ورکرز کے حقوق کے لیئے ہر ممکن جدوجہد جاری رکھوں گا میرے ساتھیوں نےتیسری بار مجھے منتخب کرکے جو اعتماد مجھ پر کیا گیا ہے,اسے قائم رکھنے کی بھرپور کوشش کروں گا۔