موضع سلیمان میں زمیندار کی 225بھیڑ بکریاں ہلاک

 تحصیل  بھوآنہ کے علاقے موضع سلیمان میں سیلابی پانی سے بچ کر نقل مکانی کرنے والوں پر قیامت ٹوٹ پڑی زمیندار کی کروڑوں  روپے مالیت کی بھیڑیں اور بکریاں ہلاک ہو گئی ہیں.بھوچرہ ضلع جھنگ کے رہائشی محمد حیات اور باقر علی بھیڑ بکریاں لیکر موضع سلیمان آئے جہاں پر انہوں نے خاور سپرا سے جگہ لی بھیڑوں اور بکریوں کو کمرے میں بند کردیا صبح اٹھتے ہی دیکھا کہ تمام بھیڑوں اور بکریاں ہلاک ہو گئی ہیں.اطلاع ملتے ہی تحصیل انتظامیہ اور لائیو سٹاک کی ٹیمیں موقع پر پہنچ گئیں.اس حوالے سے تحصیل صدر چوہدری محمد اشرف رجوکہ کا کہنا ہے کہ واقعہ کی اطلاع ملتے ہی وہ یہاں پر پہنچے ہیں اور بکریوں کے ہلاک ہونے کی وجہ معلوم کی تو پتہ چلا ہے کہ انہوں نے 225 بھیڑیں اور بکریاں کمروں میں بند کر کے دروازے بند کر دیئے تھے حبس اور گرمی کی وجہ سے سے ان کا سانس رک گیا اور دم گھٹنے سے تمام بکریاں موقع پر ہی ہلاک ہو گئی ہیں.انتظامیہ کی ہدایت پر ہلاک ہونے والی بھیڑوں اور بکریوں کو ٹرالیوں میں لوڈ کر ڈمپ کیا جا رہا ہے محمد حیات اور باقر علی نے وزیر اعلیٰ پنجاب اور ڈپٹی کمشنر چنیوٹ سے اپیل کی ہے کہ ان کا کروڑوں  روپےمالیت کا نقصان ہوا ہے ان کی مالی امداد کی جائے۔