ہفتہ , 15 اگست 2020ء
(491) لوگوں نے پڑھا
پیرمحل :میونسپل کمیٹی پیرمحل میں یوم آزادی کے حوالے سے پر وقار تقریب کا انعقاد کیا گیا چئیرمین قائمہ کمیٹی قانون و انصاف ریاض فتیانہ، اسسٹنٹ کمشنر پیرمحل سلمان ظفر سمیت دیگرنے پرچم کشائی کی اور کیک کاٹا گیا۔ اس موقع پر پولیس کے چاق وچوبند دستے نے سلامی دی۔پرچم کشائی کی تقریب میں شہریوں کی بڑی تعداد سول سوسائٹی، انتظامیہ، ریسکیو 1122 کے عملہ سمیت بچوں نے بھی شرکت کی۔ اس موقع پر چئیرمین قائمہ کمیٹی قانون و انصاف ریاض فتیانہ کا کہنا تھا کہ 14 اگست قائد اعظم محمد علی جناح کے روشن پاکستان کے عزم سے تجدید عہد کا دن ہے اسسٹنٹ کمشنر سلمان ظفر نے پاکستان کی سلامتی کےلئے کردار ادا کرنے کے عزم کا اعادہ کیا۔ اس موقع پر ملک و قوم کی سلامتی، آزادی کشمیر اور شہداء کیلئے خصوصی دعائیں کیں گئیں۔تقریب کے اختتام پر اسسٹنٹ کمشنر سلمان ظفر اور چئیرمین قائمہ کمیٹی قانون و انصاف کی جانب سے شجرکاری مہم کے تحت پودا لگایا گیا۔
