ہفتہ , 25 جولائی 2020ء
(378) لوگوں نے پڑھا
پیر محل کے اقبال پارک ، پارک روڈ ، گرلز کالج روڈ ، نائب تحصیل دار کی عدالت ، ٹینکی گراؤنڈ و دیگر مقامات پر لگے لاکھوں روپے کے درخت اپنی عمر پوری کر چکے اور تیزی سے سوکھ رہے ہیں ، ان درختوں کی بروقت نیلامی نہ ہونے سے سرکاری خزانے کو لاکھوں روپے کا نقصان اٹھانا پڑے گا لیکن متعلقہ حکام نے اس سلسلے میں اقدامات کرنے کی بجائے مکمل طور پر چپ سادھ رکھی ہے ۔ اس حوالے سے تحصیل ہیڈ کوارٹر کے اہلکاروں سے رابطہ کیا گیا تو ایک افسر نے بتایا کہ درختوں کی نیلامی کے لیے ٹی ایم اے کو متعدد بار تحریری درخواستیں بھیجی گئیں لیکن افسران بالا نے کوئی جواب دینا مناسب ہی نہیں سمجھا ۔ انہوں نے کہا کہ درختوں کی نیلامی سے حاصل ہونے والی رقم سے متعدد ترقیاتی منصوبے پایہ تکمیل تک پہنچائے جا سکتے ہیں ۔ پیر محل کے سماجی حلقوں نے ڈی سی او ٹوبہ ٹیک سنگھ سے مطالبہ کیا ہے کہ درختوں کو فی الفور فروخت کیا جائے تاکہ شہر میں جاری ترقیاتی کاموں میں کسی رکاوٹ کا شائبہ نہ رہے
