خدمت خلق ادارے کی جانب سے علامہ اقبال چوک سے آگے اسپیڈ بریکر کا بنانا

پیر محل مقامی سماجی خدمت کے ادارے خدمت خلق گروپ اور اہلیان محلہ کچی کوٹھی کی بہت زبردست کاوش کہ جنہوں نے اسپیڈ بریکر علامہ اقبال چوک سے لیکر شیخ صاحب کی مسجد کی طرف جانے والے راستے کے درمیان میں بنایا ہے کیونکہ آئے روز یہاں پر ایکسیڈنٹ ہوتے تھے جس کی وجہ سے اہل محلہ بہت پریشان تھے۔ خدمت خلق گروپ نے ان کی اس پریشانی کو سمجھتے ہوئے اس چوک میں ایک کا سپیڈ بریکر بنا دیا جس میں اہلیان محلہ نے بھرپور ساتھ دیا اسپیڈ بریکر کے ساتھ ہی آگے گہرہ کھڈا ہے جس میں آئے روز کوئی نہ کوئی گرا رہتا تھا۔ اہل محلہ نے خدمت خلق گروپ کی اس کاوش کو سراہا اسپیڈ بریکر کو دوسرے سپیڈ بریکر کی نسبت تھوڑا مختلف بنایا گیا ہے جس سے اہل علاقہ کے مسائل میں کمی آئے گی۔ خدمت خلق کے ذمہ داران نے خواہش کا اظہار کیا کہ انتظامیہ پورے شہر پیرمحل میں اس طرح کے اور بھی سپیڈ بریکر بنائے تاکہ رات میں سفر کرنے والوں کے لئے کوئی پریشانی نہ ہو اور آتے ہوئے انہیں دور سے ہی اسپیڈ بریکر نظر آجائے۔ اہلیان محلہ نے آئندہ بھی خدمت خلق گروپ کا بھرپور ساتھ دینے کا عہد کیا۔