جمعرات , 03 ستمبر 2020ء
(423) لوگوں نے پڑھا
پتوکی ملتان روڈ پر ٹول پلازہ کے قریب بس کی موٹر سائیکل کو ٹکر کے نتیجے میں دو سگے بھائی موقع پر جاں بحق ہوگئے۔ تفصیلات کے مطابق موٹر سائیکل پر سوار ہو کر محمد نعیم اپنے بھائی کے ہمراہ حبیب آباد سے پتوکی کی طرف آرہا تھا کہ تیز رفتار بس نے ٹکر مار کر کچل دیا جس کے نتیجے میں دونوں سگے بھائی موقع پر ہی جاں بحق ہوگئے۔ اطلاع ملتے ہی تھانہ صدر پتوکی کے ایس ایچ او حافظ عاطف نذیر پولیس کی نفری کے ہمراہ موقع پر پہنچے اور دونوں بھائیوں کی نعشوں کو تحصیل ہیڈ کوارٹر ہسپتال پتوکی منتقل کیا۔ بس کا ڈرائیور حادثہ کے بعد موقع سے فرار ہونے میں کامیاب ہو گیا۔ تھانہ صدر پولیس پتوکی نے واقعہ کی کاروائی کا آغاز کردیا ہے۔
