کوٹ رادھا کشن، انتظامیہ کی عدم توجہی، کھیل کے گراؤنڈز کی حالت خستہ

کہتے ہیں کھیل کسی بھی معاشرے کی صحت مند حالت کی نشاندہی کرتے ہیں برسوں سے ہم سن رہے ہیں پاکستان جیسا معاشرہ بھی کھیلوں کے حوالے سے انتہائی پیچھے ہے۔ وجہ ایک ہی بیان کی جاتی ہے کہ یہاں کھیلوں کا ڈھانچہ انتہائی خراب ہے۔ اب یہ بات تو سبھی کو معلوم ہے لیکن پھر بھی اس کو ٹھیک کرنے کیلئے کوئی بھی ارباب اختیار سنجیدگی نہیں دکھاتا۔ کوٹ رادھا کشن کے نوجوانوں کے ساتھ بھی کچھ ایسا ہی ہورہا ہے کوٹ رادھا کشن میں موجود دونوں کھیل کے گراونڈز انتظامیہ کی عدم توجہی کی وجہ سے ناقابل کھیل ہوکے جانوروں کی چراگاہیں بننے لگے ہیں اور کسی جگہ کیچڑ، کچرا ہونے کی وجہ سے جگہ کھیل کے قابل بالکل نہیں رہی یہ صورتحال نوجوانوں کو کھیلوں جیسی صحت مند سرگرمیوں کو چھوڑ کر دوسری سرگرمیوں میں مبتلا ہونے پر مجبور کررہی ہے۔ علاقے کے سماجی شخصیات نے حکومت و انتظامیہ سے پرزور مطالبہ کیا ہے کہ اگر زیادہ کچھ نا بھی کیا جائے کم از کم ان گراونڈز کی حالت کو درست کیا جائے تاکہ نوجوان نسل کی نشونماء کیلئے ذرائع بہم پہنچائے جانے کیلئے قدم اٹھایا جاسکے۔