جمعرات , 03 دسمبر 2020ء
(338) لوگوں نے پڑھا
لاہور شہر کی تحصیل رائے ونڈ میں غیر قانونی مذبحہ خانوں کے حوالے سے کریک ڈاؤن کا فیصلہ کیا گیا ہے۔ رائیونڈ سبزہ زار اور کوٹ کمبوہ کے مذبحہ خانوں کو فوری طور پر فعال کرنے کا حتمی فیصلہ ہوا۔ ڈی سی لاہور مدثر ریاض کی ملک کی زیر صدارت غیر قانونی مذبحہ خانوں اور بند مذبحہ خانوں کی بحالی کے حوالے سے اجلاس ہوا۔ کمشنر نے ہدایت کی کہ اسسٹنٹ کمشنرز، ایم سی ایل، لائیو سٹاک کے ہمراہ شہر بھر میں کریک ڈاؤن کریں۔ سٹیمپ لگے بغیر گوشت کی فروخت شہر میں نہیں ہونے دیں گے۔ کینٹ سلاٹر ہاؤس کا سٹیمپ شدہ گوشت صرف کینٹ میں ہی فروخت ہو گا۔ دیگر جگہوں پر کینٹ کے سٹیمپ شدہ گوشت کی فروخت نہیں ہو سکے گی۔ رائیونڈ ، شالیمار ، شاہدرہ، سبزہ زار اور کوٹ کمبوہ کے مذبحہ خانوں میں ویٹرنری ڈاکٹر اپنی مہر لگائے گا۔ شہر میں مزید چھ مذبحہ خانے بھی بنائیں گے۔ بغیر مہر شدہ، لاغر کی گوشت کی فروخت پر مقدمات کا اندراج کیا جائے گا۔ شہریوں کو صحت مند گوشت کی فراہمی کو یقینی بنائیں گے۔
