پوسٹ آفس گڑھ مہارجہ کے ملازم کا شہریوں کے ساتھ نا مناسب رویہ

(8 جولائی 2020)احمد پور سیال پوسٹ آفس گڑھ مہارجہ کے پوسٹ ماسٹر محمد شریف کا شہریوں اور پینشرز کے ساتھ ہتک آمیز رویہ ہوتا ہے جس سے پینشرز اور عوام کو کام کےلیے سخت گرمی میں تپتی زمین پر کھلے آسمان تلے کھڑا ہونا پڑتا ہے اگر کوئی شکایت کرتا ہے تو اسے دھمکیاں دی جاتی ہیں، عوام کا کہنا تھا کہ وقت سے پہلے کام بند کرکے لوگوں کو تنگ کیا جاتا ہے اور انتہائی غیر مناسب کلمات کا کھلے عام استعمال کیا جاتا ہے، حکومت کے نافذ کردہ ایس او پی کی بھی کھلم کھلا خلاف ورزی کی جارہی ہے ۔  دفتری اوقات میں بغیر ماسک کے کام کیا جاتا ہے، ڈاک گم ہوجاتی ہے۔ متاثرین نے صدر گڑھ مہاراجہ پریس کلب، رانا محمد نعیم خان،چیئرمین مظہر حسین بخاری، ملک عمار یاسر، چوہدری اعجاز حسین، سید قمر زمان نقوی، نعیم اظہر، انور علی چوہدری اور محمد سلیم اور میاں ساجد جھنڈیر نے وفاقی وزیر مواصلات مراد سعید، ڈپٹی کمشنر محمد طاہر وٹو اور جزل پوسٹ ماسٹر جھنگ سے مطالبہ کیا ہے کہ واقعہ کا نوٹس لیتے ہوۓ پوسٹ ماسٹر محمد شریف کے خلاف تحقیقات کی جائے۔