Staff Reporter
منگل , 15 ستمبر 2020ء
(612) لوگوں نے پڑھا
احمد پور سیال، عطائی ڈاکٹر کا مبینہ طور پر غلط انجیکشن لگانے سے مریض پر بیہوشی طاری ہوگئی جسے ملتان ریفر کر دیا گیا۔ تفصیلات کے مطابق گذشتہ روز نواحی علاقہ بنگلہ یسمین کے رہائشی محمد عمران نے الزام عائد کیا ہے کہ عطائی ڈاکٹر قصور عباس سپرا نے غلط انجیکشن لگا کر میرے بھائی فرحان علی کی حالت غیر کر دی جسے بیہوشی کی حالت میں طبی امداد کے لیے تحصیل ہیڈکوارٹر ہسپتال احمد پور سیال لایا گیا مگر حالت زیادہ خراب ہونے پر نشتر ہسپتال ملتان ریفر کر دیا گیا۔ اندراج مقدمہ کے لیے مقامی تھانہ میں دی گئی درخواست میں محمد عمران نے موقف اختیار کیا ہے کہ ملزم قصور سپرا مستند ڈاکٹر نہیں اور نہ ہی اسکے پاس کوئی پریکٹس لائسنس ہے۔ محمد عمران نے عطائی ڈاکٹر کے خلاف کاروائی کا مطالبہ کی ہے۔
