چوکی سمندوانہ کے ہمدرد اور مددگار پنجاب پولیس کے قومی سپوت

تحریر: علی امجد چوہدری جھنگ سے، احمد پور سیال سے جنوب کی طرف 6 کلومیٹر کے فاصلے پر جھنڈیر نیازی والا کے مقام پر دریائے چناب کے حفاظتی بند میں شگاف تھا سیلاب کا پانی سینکڑوں ایکڑ اراضی کو اپنی لپیٹ میں لے چکا تھا حفاظتی بند کے نزدیکی علاقوں کے زمیندار کسان اس شگاف کو بند کرنے کی بھرپور کوشش کر رہے تھے یہ تمام لوگ تقریبآ وہی لوگ تھے جو جزوی حد اس سیلابی ریلے سے متاثر ہو چکے تھے یا جنہیں اندیشہ تھا کہ اگر اس شگاف کو بند نہ کیا گیا تو وہ بھی متاثر ہو سکتے ہیںلیکن اسی شگاف کو بند کرنے کی جدوجہد میں پنجاب پولیس کی وردی میں ملبوس دو اہلکار بھی شامل تھے سرکاری انتظامیہ میں شامل اس وقت یہ دو ہی اہلکار تھے جو اس پرخطر مشق میں شریک تھے۔چوکی سمندوانہ پر تعینات نوجوان اہلکاران چوہدری تصور چدھڑ اور ذیشان ڈب اس علاقہ کے رہائشی بھی نہیں تھے اس شگاف سے متاثرہ علاقہ میں ان کی کوئی زمین بھی نہیں تھی شگاف کے مقام پر کودنا شاید ان کے فرائض منصبی میں شامل بھی نہیں تھا لیکن یہ متاثرین کے شانہ بشانہ پانی کو روکنے کی کوششوں میں برابر کے شریک تھے ناچیز کے لیئے یہ خاصا خوشگوار تجربہ تھا کہ پولیس جسے عمومی طور پر غیر معمولی حد تک حدف تنقید بنایا جاتا ہے بھی انسانی ہمدردی میں کسی بھی طور پر معاشرے کے دوسرے طبقوں سے کم نہیں ہے۔بحثیت وطن عزیز کے شہری کے ہم جزبات کی رو میں بہتے ہوئے قومی اداروں پر تنقید کے حوالے سے غیر معمولی حد تک اتنے آگے چلے جاتے ہیں کہ ہم فراموش کر دیتے ہیں کہ انہیں اداروں کے چوہدری تصور چدھڑ اور زیشان ڈب جیسے نوجوان اپنی فرائض منصبی سے قطع نظر ہماری ہمدردی میں غیر معمولی حد تک چلے جاتے ہیں۔