Javed
جمعہ , 27 نومبر 2020ء
(398) لوگوں نے پڑھا
گلگت بلتستان میں گزشتہ دنوں ہنگامہ آرائی میں شرپسندوں نے متعدد نجی اور سرکاری املاک کو نقصان پہنچایا۔ تاہم اس دوران ایک جوان نے جلتی ہوئی سرکاری گاڑی میں سے قومی پرچم کوصحیح سلامت اتارا۔ اس واقعے کی ویڈیو سوشل میڈیا پر وائرل ہوئی جس کے بعد ڈپٹی کمشنر ہنزہ فیاض احمد نے جلتی گاڑی سے پاکستانی جھنڈا اتارنے پر ڈرائیور نورالدین ساکن علی آباد ہنزہ کو تعریفی سند اور کیش ایوارڈ سے نوازا۔ تفصیلات کے مطابق حالیہ دنوں گلگت شہر میں کچھ شر پسندوں نے ریور ویو روڈ پر احتجاج کے دوران 4 سرکاری گاڑیوں سمیت املاک کو آگ لگایا اس دوران نگران وزیر برائے واٹر اینڈ پاور محمد علی خان کی گاڑی کو بھی آگ لگایا گیا تھا۔ نگران وزیر کے ڈرائیور نورالدین نے جرات اور بہادری کا مظاہرہ کرتے ہوئے اپنی جان کی پرواہ کئے بغیر جلتی گاڑی سے پاکستانی جھنڈا اتار کر جلنے سے بچایا ۔ اس کی بہادری اور جرات کا مظاہرہ کرنے پر ڈپٹی کمشنر ہنزہ نے نورالدین کوکیش اور سرٹیفکیٹ سےنوازا۔
