محسن
پیر , 18 ستمبر 2023ء
(43) لوگوں نے پڑھا
قصور : ضلعی
انتظامیہ کے زیر اہتمام سائیکلنگ ریس کا انعقاد کیا گیا - ڈپٹی کمشنر محمد ارشد
بھٹی نے سائیکلنگ ریس کا افتتاح کیا - اس موقع پر اسسٹنٹ کمشنر رضوان الحق پوری ،
ڈسٹرکٹ سپورٹس آفیسر ، سائیکلنگ ایسوسی ایشن کے عہدیداران اور شہریوں کی کثیر
تعداد موجود تھی - سائیکلنگ ریس کمال چشتی موڑ سے شروع ہو کر گنڈا سنگھ روڈ مان سے
ہوتی ہوئی ڈپٹی کمشنر آفس پر اختتام پذیر ہوئی - سائیکلنگ ریلی میں 10سائیکلسٹ نے
حصہ لیا - تقریب سے خطاب کرتے ہوئے ڈپٹی
کمشنر کا کہنا تھا کمشنر لاہور کی ہدایت
پر صحت مند ماحول اور شہری مثبت سرگرمیوں کے فروغ کیلئے سائیکلنگ ریس کا انعقاد کیا
گیا ہے - سائیکلنگ ریس کا مقصد ضلع میں صحت مند ماحول اور مثبت سرگرمیوں کو فروغ دینا
ہے - سائیکلنگ ریس ایک صحت مند جسم کیلئے بہت ضروری ہے شہری اس میں بڑھ چڑھ کا حصہ
لیں - ڈپٹی کمشنر نے پہلی ، دوسری اور تیسری پوزیشن حاصل کرنیوالے سائیکلسٹ میں میڈلز
اور سرٹیفکیٹس تقسیم کئے -
