ضلع قصور میں صوبائی حلقوں کے عام اِنتخابات کے لئے تمام ریٹرننگ اور اسسٹنٹ ریٹرننگ افسران سے اُن کے فرائض اور ذمہ داریوں کا حلف لے لیا گیا

ضلع قصور میں صوبائی حلقوں کے عام اِنتخابات کے لئے تمام ریٹرننگ اور اسسٹنٹ ریٹرننگ افسران سے اُن کے فرائض اور ذمہ داریوں کا حلف لے لیا گیا۔ اِس سلسلہ میں ایک تقریب کا اِنعقاد ڈی سی کیمپ آفس میں منعقد ہوا ۔ڈسٹرکٹ ریٹرننگ آفیسر/ڈپٹی کمشنر محمد ارشد بھٹی نے ڈیٹرننگ آفیسرز اور اسسٹنٹ ریٹرننگ آفیسرذ سے حلف لیا۔تمام ریٹرننگ اور اسسٹنٹ ریٹرننگ افسران نے الیکشن ایکٹ 2017، الیکشن رولز 2017 اور الیکشن کمشن آف پاکستان کی ہدایت کے مطابق بغیر کسی طرف داری، جُھکاؤ، بدنیتی کے، بلا خوف و خطر اور ذاتی مفادات کو بالائے طاق رکھتے ہوئے اپنی اپنی ذمہ داریاں بھر پور صلاحیت سے انجام دینے کا حلف اُٹھایا اور اپنے اپنے فارم پُر کر کے دستخط ثبت کر دیئے۔ضلعی فوکل پرسن صوبائی الیکشن ڈپٹی ڈائریکٹر لوکل گورنمنٹ عبدالوحید سندھو نے ریٹرننگ آفیسرز اور ریٹرننگ اسسٹنٹ آفیسرز کی ذمہ داریوں، ٹریننگ کے مراحل،آر اوز کے الیکشن کیمپوں کا قیام، پولنگ اسٹیشنوں کی حتمی فہرستوں کی تیاری اور ڈسٹری بیوشن آف پولنگ بیگز کے بارے تفصیل سے گفتگو کی۔