یوم تکریم شہداء پاکستان کے سلسلہ میں ڈی پی ایس قصور میں پروقار تقریب کا انعقاد

قصور : یوم تکریم شہداء پاکستان کے سلسلہ میں ڈی پی ایس میں پروقار تقریب کا انعقاد –  تقریب میں پاکستان آرمی کے افسران، ڈی،پی،او تمام ضلعی محکمہ جات کے سربراہان و دیگر نے شرکت کی - شہداء پاکستان کو خراج عقیدت پیش کرنے کیلئے ملی نغمے اور ٹیبلو پیش کئے گئے -  شہداء کی یاد کو تازہ کرنے کے لئے ڈاکومنٹری بھی دیکھی گئی -  آج کے دن وطن کے بہادر سپوتوں کو خراج تحسین پیش کرنے کیلئے اکٹھے ہوئے ہیں - پوری قوم کو اپنے بہادر شہداء پر فخر ہے۔ شہداء پاکستان ہمارے اصل ہیرو اور عظیم اثاثہ ہیں - شہداء نے مادر وطن کے تحفظ اور دفاع کیلئے بے شمار قربانیاں دیں -  ملکی سالمیت اور سلامتی ہمارے شہداء کی گراں قدر خدمات کے بغیر ممکن نہیں - مادر وطن پر جان قربان کرنے پر شہداء کو سلام عقیدت پیش کرتے ہیں - شہداء نے اپنے جانوں کو نذرانہ پیش کر کے اپنے آج کو ہمارے کل کیلئے قربان کیا۔شہداء کی لازوال قربانیوں کو کبھی فراموش نہیں ہونے دیا جائیگا - کوئی قوم اپنے شہداء کی قربانی کا صلہ نہیں دے سکتی -  جو قومیں اپنے شہیدوں کو بھول جاتی ہیں وہ مٹ جایا کرتی ہیں -