وکیل کے قتل کیس میں ملوث دو ملزم اعظم اور علی حسن گرفتار

قصور : تھانہ اے ڈویژن پولیس نے قصور بار کے رکن کے قتل کیس میں ملوث ملزمان کو گرفتار کرلیا ملزمان نے زمین کے تنازعہ پر قتل کا اعتراف کرلیا – آلہ  قتل برآمد بتایاگیا کہ محمد اسلم ایڈووکیٹ 30 جنوری کوشام 5 بجے موٹرسائیکل پر کچہری سے گھر جارہاتھا کہ مین فیروزپورروڈ منڈی موٹر کے قریب سفید رنگ کی کار میں سوار دو افراد نے روک لیا اور فائرنگ کرکے قتل کردیا  - تھانہ اے ڈویژن پولیس نے مقتول وکیل کے بھائی کوٹ میرباز خاں کے رہائشی اے ایس آئی امجد کی دوخواست پر مقدمہ درج کرکے ملزمان کی تلاش شروع کردی – ڈی پی او قصور طارق عزیز سندھو کی ہدایات پر ایس پی انویسٹی گیشن زیر نگرانی ، ڈی ایس پی سٹی ، ایس ایچ او اے ڈویژن اور ایس ایچ او بی ڈویژن پر مشتمل خصوصی ٹیموں نے سی ڈی آر اور سی سی ٹی وی کیمروں کی مدد سے ملزمان اعظم اور علی حسن کو ٹریس کرکے گرفتار کیا  - دوران تفتیش ملزماں نے قتل کا اعتراف کرتے ہوئے بتایا کہ ان کا اسلم ایڈووکیٹ کیساتھ زمین کا تنازع تھا جس سے تنگ آ کر اسے  قتل کیا اور فرار ہوگئے -