بدھ , 08 اپریل 2020ء
(183) لوگوں نے پڑھا
چونیاں، نواحی علاقہ ارزانی پور میں مبینہ طور پر باپ نے اپنے بھائی کی مدد سے طلاق یافتہ بیوی سے تین بچے چھین لئے۔ ارزانی پور کی رہائشی نسرین بی بی نے پولیس تھانہ الہ آباد میں درخواست دی ہے کہ ایک سال قبل عبدالرزاق سے اس کی طلاق ہوگئی تھی جبکہ میں نے اب دوسرے شخص محمد انور سے شادی کر رکھی ہے گزشتہ روز میرے سابق شوہر عبدالرزاق نے اپنے بھائی جاوید اقبال کی مدد سے میرے تین بچے محمد احمد گیارہ سالہ، معاذ احمد نو سالہ اور سات سالہ حماد احمد گھر سے باہر کھیلنے کیلئے گئے ہوئے تھے اور جب وہ واپس نہیں آئے تو مجھے شک ہوا کہ انہیں انکے باپ عبدالرزاق اور چچا جاوید اقبال نے اغوا کر لیا ہے۔ پولیس کا کہنا تھا کہ تحقیقات کررہے ہیں کہ بچوں کو ان کی بیوی کے سابقہ شوہر نے ہی اغوا کیا ہے ابھی حتمی طور پر کچھ نہیں کہ سکتے جبکہ متعلقہ خاتون کا مکمل شک اس کے سابقہ شوہر پر ہی تھا۔
