بچوں کے اغواء کاروں کا نیٹ ورک پکڑنے کے بالکل قریب ہیں، ڈی پی او

چونیاں، آلہ آباد بچوں کے اغواء کاروں کو پکڑنے کے بالکل قریب ہیں جلد متاثرین کو انصاف فراہم ہوگا قانونی تقاضے پورے کرتے ہوئے مغوی بچوں کے ملزمان کو پکڑ کر سانس لیں گے یہ بات ڈی پی او قصور نے کہی۔ الہ آباد و گردونواح میں ہونے والے بچوں کے اغواء ک واقعات پر ضلعی پولیس آفیسر زاہد نواز مروت کی  میڈیا سے خصوصی گفتگو ہوئی جس میں انہوں نے کہا کہ اعلیٰ افسران کے خصوصی ہدائیت کے مطابق ہم ٹیم ورک جاری رکھے ہوئے ہیں اس سلسلے میں معاشرے میں بد امنی اور جرائم کا موجز بننے والے عناصر کا گھیرا تنگ کردیا گیا ہے ایسے واقعات کی روک تھام کے لئے ہماری ٹیمیں چوبیس گھنٹے مصروف عمل ہیں۔ شیر خوار بچوں کے اغواء کاروں کو جلد سامنے لائیں گے متاثرہ فیملیوں کے ہر دکھ درد میں ہم  برابر شریک ہیں قانون کے تقاضے پورے کرتے ہوئے والدین کو جلد انصاف فراہم کریں گے ضلعی پولیس آفیسر زاہد نواز مروت نے مزید گفتگو کرتے ہوئے کہا کہ معاشرے میں ایسے ناسوروں کو جڑ سے ختم کریں گے ہمارا فرض ہے کہ عوام کی حفاظت کرنا ہماری اولین ترجیحات میں شامل ہوگا کسی بھی نا اہلی کو برداشت نہیں کیا جائے گا چونیاں سرکل میں ہماری ٹیم ڈی ایس پی سرکل چونیاں خالد اسلم جتھول سمیت ایس ایچ اوز متحرک ہیں۔