محسن
منگل , 16 مئی 2023ء
(23) لوگوں نے پڑھا
چونیاں : تحصیل ہسپتال اور کارڈیک سنٹر چونیاں کا کنٹرول وی ٹی آئی
سٹوڈنٹس نے سنبھال لیا ، انتظامیہ بڑے حادثہ کی منتظر ، واضح احکامات کے باوجود وی
ٹی آئی سٹوڈنٹس علاج معالجہ میں مصروف ہیں ہسپتال اور کارڈیک سنٹر کے پیرا میڈیکل
اسٹاف نے دیر سے آنا ڈیوٹی سے غائب رہنا معمول بنالیا - زیادہ تر پیرا میڈیکل
اسٹاف موبائل فون اور خوش گپیوں میں مصروف رہتاہے حکم دیا جاتا ہے کہ مریض کو
ڈاکٹری نسخہ ء کے مطابق ادویات دیں یا اانجیکشن لگائیں ، ماضی میں بھی متعد کیس
سامنے آچکے ہیں کہ بچوں کو ایک ہی وقت میں زیادہ انجیکشن لگے اور ان کی طعبیت بگڑنے
پر لاہور ریفر کیا گیا ، تاجر برادری سیاسی و سماجی رہنماؤں اور شہریوں نے محکمہ
ہیلتھ ڈپٹی کمشنر اور اسسٹنٹ کمشنر چونیاں سے مطالبہ کیا کہ وی ٹی آئی طلباء و
طالبات کو تحصیل ہسپتال اورکارڈیک سنٹر چونیاں سے مستقل باہر کیا جائے تاکہ مریضوں
کو بہتر انداز میں علاج معالجہ میسر آ سکے -
