جمعرات , 24 ستمبر 2020ء
(174) لوگوں نے پڑھا
چونیاں، تھانہ الہ آباد کی حدود بر لب سڑک اڈا بقا پور سے ایک شخص بعمر 30 سال بے ہوشی کی حالت میں ڈھونڈھ لیا گیا۔ تھانہ الہ آباد کو صبحِ 5 بجے ایک کال موصول ہوئی کہ ایک شخص بے ہوش سڑک کنارے پڑا ہے جس پر تھانہ الہ آباد کا سب انسپکٹر ارشد اقبال بمعہ نفری موقع پر پہنچا اور مضروب کو آر ایچ سی الہ آباد پہنچایا۔ طبی امداد فراہمی کے بعد ہوش میں آنے پر مضروب نے اپنا نام اظہر اور ایڈریس مانگا کا بتایا۔ اظہر کے ورثاء کو اطلاع کر دی گئی۔ تھانہ کی تفتیش کے دوران معلوم ہوا اظہر کی ایک ماہ قبل تھانہ بی ڈویژن شیخو پورہ بحکم عدالت اغواء کی ایف آئی آر درج ہے۔ مغوی اظہر کی اغواء کی ایف آئی آر 699/20 بی ڈویژن تھانہ شیخو پورہ میں رجسٹرڈ ہے۔ مغوی اظہر کو چونیاں کے علاقے میں پھینکنا کئی سوالات کو جنم دے رہی ہے۔ پولیس کا کہنا تھا کہ اظہر کا اغواء اور بازیابی ایک سوچی سمجھی سازش کا شاخسانہ معلوم ہو رہی ہے۔ تھانہ الہ آباد کی پولیس اصل حقائق جاننے کے لئے مصروف عمل ہے۔
