پاک فوج اور دیگر قومی املاک کو جلانے ، ہنگامہ آرائی کرنے والوں کے خلاف شدید الفاظ میں مذمت کرتا ہوں ، سردار خالد محمود الحسن ڈوگر

 کنگن پور : پاک افواج اور دیگر قومی املاک کو جلانے ، ہنگامہ آرائی کرنے والوں کے خلاف شدید الفاظ میں مذمت کرتا ہوں - پاک افواج ہمارے ماتھے کا جھومر ہیں ہم اپنی پاک افواج کے ساتھ شانہ بشانہ کھڑے ہیں - ان خیالات کا اظہار سیاسی و سماجی شخصیت  معروف کاشتکار و زمیندار سردار خالد محمود الحسن ڈوگر سابق  وائس چیئرمین یونین کونسل لنڈے اف گندی روپ سنگھ  نے اپنے بیان میں کیا انہوں نے کہا کہ پاکستان کی پروفیشنل پاک افواج کے صبر و تحمل اور برد باری کو کبھی بھول کر بھی کسی بھی قسم کی کمزوری نہ سمجھا جائے پاک افواج وطن عزیز کو درپیش اندرونی اور بیرونی خطرات سے نمٹنے کی مکمل صلاحیت رکھتی ہے - انہوں نے کہا کہ جو کوئی بھی مسلح افواج پاکستان کو بے جا تنقید کا نشانہ بنائے گا یا پاک افواج کے خلاف نفرت پھیلانے کے کسی بھی منصوبے یا کسی بھی قسم کے منفی پراپیگنڈہ کا حصہ بنے گا وہ صرف اتنا یاد رکھے پاک افواج ہر وقت اپنے روایتی دشمن کی ہر ایک نقل و حرکت اور ان کی نت نئی ملک دشمن سازشوں،چیلنجوں اور ناپاک عزائم پر کڑی نظر رکھے ہوئے ہیں -