پیر , 21 ستمبر 2020ء
(229) لوگوں نے پڑھا
چونیاں، چونیاں سے اغواء ہونے والے 3 نومولود بچوں میں سے 1 شیر خوار بچے کو پولیس نے بازیاب کر الیا۔ مذکورہ بچے کو خاتون رشتے دارنے خاندانی عداوت کی بنا پر اغواء کیا تھا۔ تفصیلات کے مطابق چند دن پہلے 3 نومولود بچوں کو اغواء کیا گیا تھا جن میں سے 20 دن کے عبدالرحمٰن کو پولیس نے عارف والا سے بازیاب کرالیا تاہم 6 دن کی مغوی بچی اور 16 دن کے مغوی ایان کا تاحال کوئی سراغ نہیں مل سکا ہے۔ قصور پولیس کا کہنا تھا کہ ان 2 بچوں کو بھی جلد بازیاب کرالیا جائے گا۔ چونیاں سے گزشتہ دنوں بچوں کے آغوا ہونے کے بعد پولیس نے کاروائیاں تیز کردی تھیں۔
