محسن
پیر , 06 مارچ 2023ء
(100) لوگوں نے پڑھا
تھانہ صدر پتوکی پولیس نے ڈکیتی کی
واردات ناکام بناتے ہوئے مقابلے میں ایک ڈاکو ہلاک کردیا - پولیس ترجمان نے بتایا
کہ حاجی خادم حسین نامی شہری نے پولیس کو 15پر ڈکیتی کی واردات کی اطلاع دی کہ 8کس
ملزمان نے حبیب آباد سے چونیاں جاتے ہوئے مجھ سے موٹرسائیکل،رقم اور موبائل چھین لیا
ہے۔ تھانہ صدر پتوکی پولیس نے فوری کاروائی کی اور چونیاں روڈ پر ملزمان کا تعاقب
کیا۔انہوں نے بتایا کہ داؤکے موڑ کے قریب ڈاکوؤں نے پولیس پارٹی کو دیکھ کر فائرنگ
شروع کردی۔ڈاکوؤں کی اپنی فائرنگ سے زخمی ہونے والے دوڈاکوؤں کو گرفتار کرلیا گیا،جبکہ
باقی ملزمان اندھیرےکا فائدہ اٹھاتے ہوئے فرار ہونے میں کامیاب ہوگئے۔ زخمی ڈاکوؤں
کی شناخت اسلم اور شوکت سے ہوئی جن کو برائے علاج معالجہ ہسپتال لیکر جایا جا رہاتھا کہ اسلم راستہ میں ہی دم توڑ گیا-
