میرا مشن الہ آباد کو خوبصورت بنانا ہے، عدنان بدر

الہ آباد کو خوبصورت بنانا میرا مشن ہے ناجائز تجاوزات کی زد میں آنے والوں سے معذرت خواہ ہوں ان کے ساتھ کوئی ذاتی رنجش نہیں ہے نا ہی میرا مقصد کسی کے کاروبار کو نقصان پہنچانا ہے۔ وقت آنے پر لوگ مجھے یاد کریں گے ان خیالات کا اظہار اسسٹنٹ کمشنر چونیاں عدنان بدر ہاشمی نے سینئر صحافیوں سے گفتگو کرتے ہوئے کیا انہوں نے کہا انہیں علاقائی مسائل حل کرنے کی ذمہ داری سونپی گئی ہے ناجائز تجاوزات کی زد میں آنے والوں سے دلی ہمدردی کا اظہار کرتا ہوں ان کے ساتھ میرا کوئی ذاتی  رنجش نہیں ہے قانون کی حکمرانی کے لئے ناجائز تجاوزات کا خاتمہ کیا ہے ناجائز تجاوزات کے خاتمہ سے سڑکیں کشادہ ہوں گی اور خوبصورت نظر آئیں گی لاکھوں لوگ سفری سہولت مستفید ہوسکیں گے ایمرجنسی گاڑیوں اور ایمبولینس وغیرہ کو بھی گذرنے میں آسانی رہے گی انہوں نے مزید کہا کہ الہ آباد میں خوبصورتی کے لئے گول چکر بنایا جا رہا ہے اور کنگن پور روڈ پر ٹف ٹائل بھی لگائی جائے گی جس سے شہر مزید خوبصورت نظر آئے گا میری ڈیوٹی عارضی ہے۔ میری اس کاوش پر لوگ مجھے اچھے الفاظ میں یاد رکھیں گے اور لوگوں کی دعائیں اور اچھے الفاظ سے یاد کرنا میرے لئے باعث عزت اور افتحار ہو گا۔