محسن
پیر , 10 جولائی 2023ء
(144) لوگوں نے پڑھا
قصور : پنجاب حکومت کی خصوصی ہدایات
کی روشنی میں ایڈیشنل ڈپٹی کمشنر جنرل سیکرٹری ڈسٹرکٹ ٹرانسپورٹ اتھارٹی محمد جعفر
چوہدری نے غیر معیاری ایل پی جی سلنڈر استعمال کرنے والی گاڑیاں کیخلاف کاروائی
کرتے ہوئے 10 گاڑیوں کو تھانوں میں بند کروادیا اور 3 گاڑی مالکان کیخلاف مقدمات
درج کروا دئیے ، جبکہ 15 گاڑیوں سے ایل پی جی سلنڈرز نکال دئیے - اس موقع پر ایڈیشنل
ڈپٹی کمشنر کا کہنا تھا کہ پبلک ٹرانسپورٹ میں ایل پی جی کا استعمال انتہائی
خطرناک ہے ، غیر محفوظ اور حادثات کا موجب بن سکتا ہے ، اس لیے غیرقانونی طور پر
ایل پی جی سلنڈر استعمال کرنے والی کسی بھی گاڑی کو سڑک پر آنے کی اجازت نہیں دی
جائیگی ضلع بھر میں ایل پی جی سلنڈرز استعمال کرنے والی پبلک ٹرانسپورٹ گاڑیوں کو
نہ صرف بند کیا جا رہا ہے بلکہ گاڑی مالکان کیخلاف بھی بھر پور کاروائیاں عمل میں
لائی جارہی ہیں -
