منگل , 14 فروری 2023ء
(45) لوگوں نے پڑھا
قصورپولیس نے کوٹ رادھاکشن میں 8سالہ بچے کے اغواء اور قتل میں
ملوث ملزم کوگرفتار کرلیا ہے - ڈی پی اوقصور طارق عزیز نے صحافیو ں کو بتایا کہ تین
روز قبل کوٹ رادھاکشن کے رہائشی جاویدکا 8سالہ بیٹا وقار گھر سے لاپتہ ہو گیا
تھا،قصور پولیس نے والد کی مدعیت میں اغواء کا مقدمہ درج کیا ، نامعلوم ملزمان کی
تلاش شروع کردی اور بچے کی بازیابی کیلئے سپیشل ٹیم تشکیل دی گئی۔ انہوں نے بتایا
کہ قصور پولیس نے تین روز کی شب و روز محنت کے بعد ملزم 28سالہ اللہ دتہ عرف ببلو
کو گرفتار کرلیا،قصور پولیس نے ملزم کو سی سی ٹی وی کیمروں کی فوٹیج اور موٹرسائیکل
سے ٹریس کیا-
