محسن
جمعہ , 28 اپریل 2023ء
(232) لوگوں نے پڑھا
پتوکی : حکومت پنجاب اور انسپکٹر جنرل
پولیس پنجاب کی جانب سے صوبہ بھر میں پتنگ بازی پر پابندی کا اعلان ہوئے ایک ماہ
سے زیادہ گزر چکا مگر تھانہ سٹی پولیس شہر میں اس خونی کھیل کو روکنے میں غیر
سجیدہ ہونے کے باعث شہر میں پتنگ بازی کو روک نہ سکے جس کے باعث موٹر سائیکل
سواروں سمیت پیدل سفر کرنے والوں کے حادثے کا خطرہ منڈلانے لگا - جبکہ شہر کے
مختلف مقامات پر قاتل ڈور سمیت پتنگ بازی کا دیگر سامان سرعام فروخت ہو رہا ہے اور
مقامی پولیس نے مجرمانہ خاموشی اپنا رکھی ہے جس کے باعث عید کی چھٹیوں کے دنوں
آسمان پتنگ بازی کی بسنت کا پیش کرتا رہا -جس پر شہری سماجی حلقوں کا کہنا ہے کہ
ہر سال مقامی پولیس کی اس غفلت کے باعث حادثہ رونما ہو جاتا ہے - جس پر انہوں نے
انسپکٹر جنرل پولیس پنجاب سمیت ڈی پی او قصور اور دیگر حکام سے اپیل کی ہے کہ وہ
شہر میں جاری اس خونی کھیل کی روک تھام کے لئے ٹھوس اقدامات لے –
