محسن
منگل , 19 ستمبر 2023ء
(50) لوگوں نے پڑھا
قصور : تھانہ صدر قصور کی حدود میں فلیکس
لگانے پر دو گروپوں میں جھگڑا ہونے پر 13 افراد زخمی ہو گئے - تفصیلات کے مطابق
سابق مشیر دفاع ملک احمد خاں کی کوششوں سے ترقیاتی فنڈے سے ہری ہرتامان تک گاؤں کا
روڈ بنایا جا رہا تھا جس پر امین گروپ نے ملک احمد خاں کا شکریہ ادا کرنے کے لیے
فلیکس لگائی جس پر دوسرے گروپ کے ارکان منع کرنے لگے اور بات بگڑ گئی اور دونوں
فریقین میں معمولی تلخ کلامی کے بعد جھگڑا شدت اختیار کر گیا - جھگڑے کے دوران
کلہاڑیاں ، فائرنگ اور ڈنڈوں کے استعمال سے 13 افراد زخمی ہو گئے - زخمیوں کو طبی امداد
کے لیے ڈی ایچ کیو ہسپتال منتقل کر دیا - پولیس نے دونوں پارٹیوں کی درخواست پر
کاروائی شروع کر دی -
