فیملی کا قبول اسلام کا خوبصورت واقعہ

چونیاں کے نواحی گاؤں لہنا سنگھ والا میں ایک عیسائی خاندان کے 5 افراد نے اسلام قبول کرنے کا شرف حاصل کیا۔ عیسائی  خاندان کے 5 افراد نے مدینہ مسجد میں جاکر اسلام قبول کیا۔ اسلام قبول کرنے والی فیملی کے ارکان کے نئے اسلامی نام یہ رکھے گئے محمد اشفاق شوہر اسکی اہلیہ نور فاطمہ، بیٹے محمد زوہیب، محمد عاشر، اور بیٹی ملائکہ۔ اس موقع پر خاندان کے سربراہ محمد اشفاق نے کہا کہ  حضرت محمد صلی اللہ علیہ وسلم، اللہ کے آخری نبی ہیں اور میں انکی عملی زندگی پر تحقیق کے بعد اسلام قبول کر رہا ہوں میں سمجھ گیا ہوں کہ اللہ کے حکم اور حضور اکرم صلی اللہ علیہ وسلم کی سنتوں پر عمل کر کے ہی انسان دونوں جہانوں میں فلاح پا سکتا ہے آج کے بعد میں اور میرے اہلخانہ اپنی زندگی اسلامی طریقہ سے گزارنے کا عہد کرتے ہیں۔اس موقع پر تقریب میں عوامی سماجی اور صحافتی حلقوں سمیت ماسٹر طارق، رانا الیاس خاں، چوہدری عبد الرشید، ماسٹر طاہر و دیگر  معززین علاقہ نے بھرپور شرکت کی، اہل علاقہ نے اس پُر مسرت موقع پر دلی خوشی کا اظہار کیا اور محمد اشفاق اور اسکے اہلخانہ کو دائرہ اسلام میں داخل ہونے پر مبارک باد پیش کی۔