محسن
منگل , 20 جون 2023ء
(47) لوگوں نے پڑھا
قصور : ڈی پی او قصور طارق عزیز سندھو
نے دو مختلف مقامات پر کھلی کچہریوں کا
انعقاد کیا - شہریوں کے مسائل سنے اور ان کے حل کے لیے موقع پر احکامات جاری کئے -
تفصیلات کے مطابق ڈی پی او قصور نے انصاف کی فراہمی کو یقینی بنانے اور شہریوں کی
داد رسی کے لیے کھلی کچہریوں کا آغاز کیا ہوا ہے - اس سلسلہ میں انہوں نے تھانہ
مصطفی آباد اور صدر قصور میں کھلی کچہری کا انعقاد کیا - شہریوں کے مسائل سنے اور
ان کے حل کے لیے موقع پر احکامات جاری کیے ، ڈی پی او قصور نے سنگین نوعیت مقدمات
کے مدعیان سے ملاقات کی اور مدعیان کے سامنے انکے تفتیشی افسران سے ملزمان کی
گرفتاری اور مال مسروقہ کی برآمدگی کے سلسلہ میں کی جانے والی کوششوں کے متعلق
پوچھ گچھ گی -
