ڈی ایچ کیو ہسپتال قصور کو ڈیجیٹلائز کردیا گیا ، ڈاکٹر

قصور : میڈیکل سپرنٹنڈنٹ ڈی ایچ کیو قصور ڈاکٹر فاروق احمد نے کہا کہ اب تمام ڈاکٹرز اور پیرا میدیکل سٹاف چوبیس گھنٹے ڈیوٹی پر موجود رہیں گے ، ڈسٹرکٹ ہسپتال قصور کو ڈیجیٹلائز کر دیا گیا ، پانچ  سال سے بند مشینوں کو ہنگامی بنیادوں پر ٹھیک کروا کر آئی سی یو ، سی سی یو اور ایچ ڈی یو سمیت تمام بند یونٹس  کو فعال کر دیا ہے- ان خیالا ت کا اظہار میڈیکل سپرنٹندنٹ ڈی ایچ کیو قصور ڈاکٹر فاروق احمد نے میڈیا سے ہسپتال کے حوالے سے ہونے والی ہنگامی ریفارمز سے متعلق گفتگو کرتے ہوئے کیا - انہوں نے مزید کہا کہ ڈسٹرکٹ ہسپتال قصور مسائلستان کا گڑھ بن چکا تھا مگر اب صرف چند دنوں میں ہی عرصہ پانچ سال سے بند مشینوں کو ہنگامی بنیادوں پر ٹھیک کرواکر آئی سی یو ، سی سی یو اور ایچ ڈی یو سمیت تمام بند یونٹس کو فعال کر دیا گیا ہے - ہسپتال میں موجود ڈاکٹرز اور پیرا میڈیکل اسٹاف کو ڈیوٹی کا پابند بنایا گیا ہے اب قصورکے شہریوں  کو لاہور کے پرائیوٹ ہاسپٹل کی تمام  سہولیات ڈسٹرکٹ ہسپتال قصور میں دستیاب ہونگیں -