محسن
ہفتہ , 25 فروری 2023ء
(61) لوگوں نے پڑھا
ڈپٹی کمشنر محمد ارشد بھٹی کے زیر صدارت پرائس کنٹرول مجسٹریٹس
کی کارکردگی کا جائزہ لینے کیلئے اجلاس گزشتہ روز ڈی سی کمیٹی روم میں منعقد ہوا۔
اجلاس میں ایڈیشنل ڈپٹی کمشنر ریونیو سیدہ تہنیت بخاری ، اسسٹنٹ کمشنرز قصور رضوان
الحق پوری ، چونیاں محمد عامر بٹ ، کوٹ رادھاکشن ماہین فاطمہ ، پتوکی محمد اویس
چشتی ، ڈی ای انڈسٹریز محمد شفیق ، ڈسٹرکٹ فوڈ کنٹرولر محمد حمزہ ، تمام پرائس
کنٹرول مجسٹریٹس نے شرکت کی ۔ اجلاس کو تمام پرائس کنٹرول مجسٹریٹس کی کارکردگی کے
حوالے سے تفصیلاً بریفنگ دی گئی ۔ ڈپٹی کمشنر نے تمام پرائس کنٹرول مجسٹریٹس کی
فرداً فرداً کارکردگی جس میں انسپیکشنز، جرمانے ، گرفتاری اور ایف آئی آرز کا
اندراج شامل ہے کو چیک کیا ۔ ڈپٹی کمشنر نے کم انسپیکشنز والے مجسٹریٹس کو وارننگ
دیتے ہوئے حکم دیا کہ آئندہ میٹنگ تک اپنی کارکردگی کو بہتر کریں ۔
