محسن
جمعہ , 28 اپریل 2023ء
(24) لوگوں نے پڑھا
ڈپٹی کمشنر قصور محمد ارشد بھٹی کے زیر
صدارت شوگر ڈیلرز ایسوسی ایشن کا اجلاس ڈی
سی کمیٹی روم میں منعقد ہوا۔ جس میں ایڈیشنل ڈپٹی کمشنر ریونیو ، اور ضلع بھر کے
شوگر ڈیلرز ایسوسی ایشن کے نمائندگان نے شرکت کی - اجلاس میں بتایا گیا کہ وفاقی حکومت کی طرف سے چینی کا ریٹ
98 روپے 82 پیسے مقرر کیا گیا ہے اور ضلع بھر میں مقررہ ریٹ پر سو فیصد عملدرآمد یقینی
بنایا جائیگا - اس موقع پر ڈپٹی کمشنر کا کہنا تھا کہ تمام شوگر ملز کو پابند کیا
گیا ہے کہ وہ ایکس مل ریٹ پر چینی کی فراہمی کو یقینی بنائیں تا کہ شوگر ڈیلرز حکومت
کی طرف سے مقرر کردہ ریٹ پر چینی فروخت کر سکیں - انہوں نے واضح کیا کہ ضلع بھر میں
سرکاری ریٹ سے زائد چینی فروخت کرنیوالوں کے خلاف بلا تفریق کاروائی عمل میں لائی
جائیگی -
