محسن
جمعہ , 24 فروری 2023ء
(51) لوگوں نے پڑھا
ڈپٹی کمشنر محمد ارشد بھٹی کا پھل و سبزی منڈی،
ڈی ایچ کیوہسپتال اور شہر کے مختلف علاقوں کا اچانک دورہ۔ڈپٹی کمشنر نے منڈی میں
پھل و سبزیوں کی قیمتوں‘ہسپتال میں مریضوں کو دی جانیوالی طبی سہولیات اور شہر میں
صفائی ستھرائی کا جائزہ لیا۔ اس موقع پر اسسٹنٹ کمشنر قصور رضوان الحق پوری،
سیکرٹری مارکیٹ کمیٹی عبدالخالق ناصر، انچارج سبزی و پھل منڈی مہر فقیر حسین اور
دیگر بھی ہمراہ تھے۔ ڈپٹی کمشنر نے منڈی میں صفائی ستھرائی اور مارکیٹ کمیٹی کے
عملے کی حاضری کو چیک کیا اور بولی کے عمل کا جائزہ لیا۔اپنی نگرانی میں مختلف پھل
اور سبزیوں کی نیلامی کروائی۔ کسان پلیٹ فارم پر سبزیوں اور پھلوں کے معیار اور
مقدار کو چیک کیااور منڈی میں خریداروں سے بھی قیمتوں بارے دریافت کیا۔
