دیرینہ دشمنی پر مخالفین نے پیروی سے باز نہ آنے پر کچہری سے واپس گھر جاتے ماں بیٹے کو اندھا دھند فائرنگ کر کے قتل کر دیا

چونیاں:  دیرینہ دشمنی پر مخالفین نے پیروی سے باز نہ آنے پر کچہری سے واپس گھر جاتے ماں بیٹے کو اندھا دھند فائرنگ کر کے قتل کر دیا مقتول کے ورثاء کا شدید احتجاج چونیاں الہ آباد روڈ کو بلاک کر دیا ڈی پی او قصور سے ملزمان کو فوری گرفتار کرنے کا مطالبہ تفصیلات کے مطابق آج سہ پہر چونیاں کچہری سے تاریخ سے واپس گھر جاتے ماں بیٹے کو دیرینہ دشمنی پر نامعلوم ملزمان نے چونیاں بائی پاس پر واپس اپنے گاؤں مستوال جگھیاں عزت جاتے راستے میں گھات لگائے فائرنگ کر کے موقع پر ہی قتل کردیا اور فرار ہو گئے مقتولین میں ماں کی شناخت 50 سالہ آسیہ بی بی اور 19سالہ بیٹے احمد لیاقت کے نام سے ہوئی ہے ورثاء کا کہنا ہے کہ مقتولین کی اپنے ہی گاؤں کے ارشد اور اصغر وغیرہ سے دیرینہ دشمنی چلی آ رہی تھی کچھ عرصہ قبل احمد کے والد لیاقت اسلحہ والے کو بھی دن دیہاڑے ارشد نے الہ آباد کے قریب قتل کردیا تھا دونوں ماں بیٹا اس کیس کی پیروی کرتے تھے اس لئے قتل کر دیا گیا مقتولہ کے بھائی ارشاد پہلوان کا کہنا ہے کہ گزشتہ روز اصغر نے فون پر پیروی سے باز نہ آنے پر قتل کرنے کی دھمکی بھی دی تھی ارشد جیل میں بند ہے جبکہ اصغر وغیرہ کافی عرصہ سے مفرور اشتہاری ہیں ورثاء نے شدید احتجاج کرتے ہوئے شہر چونیاں الہ روڈ پر لاشیں رکھ کر ٹائروں کو آگ لگا کر روڈ کو بلاک کر کے شدید احتجاج شروع کر دیا ہے اور ڈی پی او قصور طارق عزیز سے ملزمان کی فوری گرفتاری کا مطالبہ کیا ہے جبکہ ڈی پی او قصور نے ملزمان کی گرفتاری کیلئے اسپیشل ٹیم تشکیل دے کر ملزمان کو فوری گرفتار کرنے کے احکامات جاری کئے ہیں