بارڈر ایریا سے ذبح شدہ سامبر ہرن برآمد

قصور  : پنجاب وائلڑلائف کے عملے نے منڈی عثمان والا کے بارڈر ایریا سے ذبح شدہ سامبر ہرن پنجاب رینجرز کے خصوصی تعاون سے برآمد کیا ہے- اسسٹنٹ  ڈائریکٹر وائلڈ لائف ضلع قصور امانت علی انجم کے مطابق وائلڈ لائف سٹاف ضلع قصور کو پنجاب رینجرز کے ذریعہ یہ اطلاع موصول ہوئی کہ بارڈر پر واقع گاؤں مبارک کے جھگیاں میں ایک سامبر ہرن جو کہ کتوں نے زخمی کررکھا ہے چند نامعلوم افراد اسے پکڑنے کیلئے تعاقب کررہے ہیں جس پر فوری وائلڈلائف ٹیم روانہ کی گئی تاہم وائلڈلائف ٹیم کے جائے وقوعہ پر پہنچنےسے قبل ہی وہ لوگ رنیجرز کے تعاقب کرنے پر ذبح شدہ سامبر ہرن کو چھوڑ کر رات کی تاریکی کا فائدہ اٹھاتے ہوئے فرار ہوگئے – وائلڈ لائف سٹاف نے فوری طور پر ذبح شدہ سامبر ہرن کو اپنے قبصہ میں لےکر دفتر اسسٹنٹ ڈائریکٹر وائلڈ لائف قصور پہنچایا جہاں پر حسسب ضابطہ اسے نیلام کیا گیا- نیلامی کے عمل میں سات افراد نے شرکت کی تاہم حسسب دستور سب سے زیادہ بولی دہندہ نعمان اکرم سے دولاکھ روپیہ  وصول کرکے ذبح شدہ سامبر ہرن نیلام کردی گئی جبکہ ہرن کا شکار کرنے والے افراد کی تلاش جاری ہے -