محسن
منگل , 04 جولائی 2023ء
(41) لوگوں نے پڑھا
قصور : قصور کے نواحی علاقے گندھیاں
اوتاڑ میں دو گروپوں میں فائرنگ فائرنگ سے
تین افراد قتل اور نو زخمی جبکہ پولیس نے تین ملزمان کو گرفتار کر لیا - تفصیلات کے
مطابق گندھیاں اوتاڑ میں پرانی رنجش پر دو گروپوں میں شدید فائرنگ کا تبادلہ ہوا
جس کے نتیجہ میں ایک ہی خاندان کے تین افراد جاں بحق ہوئے جبکہ نو
افراد زخمی ہو گئے - اطلاع ملتے ہی پولیس جائے وقوعہ پر پہنچ گئی - ڈی پی او قصور
طارق عزیز سندھو خود جائے وقوعہ پر پہنچ گئے - ڈی پی او قصور نے لواحقین سے ملاقات
کے دوران انصاف کی فراہمی کی یقین دہانی کرائی - پولیس نے چند گھنٹوں میں ہی تین
ملزمان کو گرفتار کر لیا جبکہ دیگر ملزمان کی گرفتاری کے لیے ٹیمیں تشکیل دے دی
گئی -
