Junaid
پیر , 23 نومبر 2020ء
(419) لوگوں نے پڑھا
ملتان، وزیر خارجہ شاہ محمود قریشی شہریوں سے علاقائی مسائل کے حوالے سے دریافت کرنے ان کی دہلیز پر پہنچ گئے۔ وزیر خارجہ کا اس موقع پر کہنا تھا کہ لوگوں کے مسائل حل کرنا اولین ترجیح ہے۔ وزیر خارجہ نے اپنے حلقے کا دورہ کیا، وزیر خارجہ شاہ محمود قریشی کے دورے کی خاص بات انہوں نے موٹر سائیکل پر اپنے حلقے این 156 کی یو سی 27 کے مختلف علاقوں کا دورہ کیا، موٹر سائیکل پر وزیر خارجہ کو دیکھ کر ان کی جماعت کے کارکن اور شہری حیران ہوئے اور خوشی کا اظہار کیا۔ اس موقع پر شاہ محمود قریشی نے حلقے میں جاری مختلف ترقیاتی منصوبوں کا معائنہ بھی کیا، وزیر خارجہ کا کہنا تھا کہ موٹر سائیکل پر حلقے کا دورہ کرنے کا مقصد یہی تھا کہ حلقے کی جو گلیاں تنگ ہیں اور وہاں پر گاڑی نہیں جا سکتی، وہاں موٹر سائیکل پر پہنچوں، شہریوں کے مسائل ان کی دہلیز پر حل کرنا اولین ترجیح ہے۔