Javed
پیر , 07 دسمبر 2020ء
(892) لوگوں نے پڑھا
کوئٹہ پولیس کے مطابق اصلاحی امن کمیٹی کے چیئر مین غفار خان ہدہ والا اتوار کی شام کو اپنے دفتر لیاقت بازار میں بیٹھے ہوئے تھے کہ پراسرار طور پر جاں بحق ہوگئے ایک تاجر رہنما نے سٹی پولیس اسٹیشن کو اطلاع دی جس پر پولیس نے موقع پر پہنچ کر لاش تحویل میں لی اور پوسٹ مارٹم کیلئے سول ہسپتال پہنچائی۔ تاہم سول ہسپتال میں پولیس سرجن نہ ہونے کے باعث پوسٹ مارٹم نہ ہو سکا جس پر پولیس نے لاش کو بی ایم سی ہسپتال پہنچایا جہاں آج پوسٹ مارٹم ہو گا۔ پولیس ذرائع نے بتایا کہ دفتر سے سی سی ٹی وی کیمرے کا ریکارڈ قبضے میں لیا جس میں ایک نامعلوم شخص غفار خان ہدہ والا کوانجکشن لگا کر فرار ہو گیا پولیس نے قتل کا مقدمہ درج کر لیا تاہم پوسٹ مارٹم رپورٹ کے بعد ہی حقائق کا پتہ چلے گا